Eýroparlament ýkraındyq shendilerdiń vızasynyń kúshin joıyp, esep-shottaryna tyıym salýǵa daıyndalyp jatyr - BAQ
ASTANA. 25 qańtar. QazAqparat - Bul sanktsııalar Kıevtegi ereýilshilerge kúsh qoldanǵany úshin engizilgeli otyr, dep habarlaıdy ITAR-TASS.
«Qazir qajetti sanktsııany engizýge daıyndyq júrgizilip jatyr», - dedi Eýroparlamenttiń syrtqy ister komıtetiniń tóraǵasy Elmar Brok. Onyń aıtýynsha, qazir sheneýnikterdiń aty-jóni jazylǵan tizim toltyrylýda.
Jaqynda Eýroparlamenttiń tóraǵasy Martın Shýlts: «Eldegi kúshtep qarsylyq kórsetý sharalary jalǵasatyn bolsa, Eýroodaq Ýkraınaǵa qatysty sanktsııa qoldanatyn bolady», - dep eskertken edi.
