Eýroparlament Serbııadaǵy qandy oqıǵa qurbandaryn bir mınýt únsizdikpen eske aldy

STRASBÝRG. QazAqparat - Dúısenbi kúni Frantsııanyń Strasbýrg qalasynda Eýroparlamenttiń kezekti kóshpeli sessııasy bastaldy. Serbııada adam óltirýdiń eki qaıǵyly oqıǵasyna baılanysty Eýroparlament depýtattary qaza tapqandardy bir mınýt únsizdikpen eske aldy, dep habarlaıdy QazAqparat tilshisi.

Ótken aptada Serbııada eki qaıǵyly oqıǵa boldy. 3 mamyrda Belgradtyń ortalyq aýdandarynyń birinde 13 jastaǵy jasóspirim óz mektebinde 8 oqýshy men kúzetshini atyp óltirdi. Juma kúni keshke qaraı 21 jastaǵy er adam Belgradtan 40 shaqyrym jerdegi Dýbona kentinde avtomattan oq jaýdyrǵan. Saldarynan 8 turǵyn kóz jumyp, 14 adam jaraqat aldy.
Eýroparlament prezıdenti Roberta Metsola Serbııadaǵy osy oqıǵalardyń qurbandaryn bir mınýt únsizdikpen eske alýǵa shaqyrdy.
«Bul shabýyldarǵa kináliler jaýapqa tartylýy tıis», - dedi Eýroparlament basshysy. Sondaı-aq ol qaıǵyly oqıǵada qaza bolǵandardyń otbasylary men jaqyndaryna kóńil aıtty.