Eýroparlament Qazaqstannyń koronavırýske qarsy sharalaryna baǵa berdi
«Qazaqstanda koronavırýske qarsy kúreste qoldanylǵan sharalar ýaqytyly ári óte durys boldy. Qazaqstan epıdemııadan bir qadam alda júrip, onda Eýropanyń keıbir elderinde biz kórip otyrǵan úreı týdyrarlyq saldardyń oryn alýyna jol berilmedi», - dedi eýrodepýtat QazAqparat agenttigine bergen suhbatynda.
«Engizilgen qatań, biraq qajetti shekteýler myńdaǵan qazaqstandyq azamattyń ómiri men densaýlyǵyn saqtap qalýǵa kómektesti. Tıisti sharalar densaýlyq saqtaý júıesine qysymdy tómendetýge, al dárigerlerdiń óz múmkindikterin arttyrýǵa múmkindik týǵyzdy», - dep qosty ol.
«Osy turǵydan sizdiń elińiz Dúnıejúzilik densaýlyq saqtaý uıymynyń keńesterine sáıkes áreket etýde. Jaqynda DDU Eýropalyq óńirlik bıýrosynyń dırektory Hans Klıýge koronavırýspen kúres júrgizýde Qazaqstandy úlgi etti», - dep atap ótti Martýshello.
«Mańyzdy taǵy bir tusy, Úkimet indettiń aldyn alýdyń preventıvti sharalaryn qolǵa alyp, densaýlyq saqtaý júıesine jáne áleýmettik salany qoldaýǵa qomaqty resýrsyn bóldi. Al qazaqstandyqtardyń ózi jalpyǵa ortaq qaterge qarsy judyryqtaı jumyldy», - dedi depýtat.
«Elde óńir úshin biregeı bolyp tabylatyn bıotehnologııalar men qaýipti ınfektsııalar salasyndaǵy ǵylymı mekemelerdiń bolýy qysqa merzim ishinde koronavırýske test-júıelerdi jasap shyǵarýǵa, sondaı-aq indetke qarsy vaktsına synaǵyn bastaýǵa múmkindik berdi. Osynyń barlyǵy qazaqstandyq bıomedıtsına salasynyń básekege joǵary qabilettiligin tanytyp otyr», - degen senimde ol.
«Koronavırýs týraly aıta kele, Qazaqstannyń Eýropalyq odaqpen dástúrli dostyq qatynasy týraly sóz qozǵamasqa bolmas. Kez kelgen daǵdarys aıaqtalady jáne qazir EO men Qazaqstan arasyndaǵy qatynas nyǵaıa túsetin keleshekke naǵyz kóz tastaıtyn ýaqyt», - dep atap ótti suhbattasýshy.
«Naýryz aıynda Eýropalyq odaq pen Qazaqstan Seriktestik jáne yntymaqtastyq týraly keńeıtilgen kelisim tolyq kúshine engen soń qarym-qatynastyń jańa áserli bóliminiń betin ashty», - dep atap ótti ol.
«Kelisimniń óz kúshine engen sátinen biz onyń basymdyqtaryn tolyq paıdalana alamyz – energetıka jáne kólik salasynan bastap, klımat, bilim jáne ǵylym salasyndaǵy birlesken áreketterimizdi tereńdetip, jan-jaqty qoldana alamyz», - dep túıindedi sózin Fýlvıo Martýshello.
