Eýroparlament qazaqstandyqtardyń Sırııadan evakýatsııalanýyn joǵary baǵalady

BRıÝSSELЬ. QazAqparat - Eýropalyq parlament depýtaty, EP Ortalyq Azııa elderimen yntymaqtastyq jónindegi delegatsııa jetekshisi Iveta Grıgýle-Peters Sırııadan Qazaqstan azamattaryn evakýatsııalaý jónindegi operatsııaǵa qatysty pikir bildirdi, dep habarlaıdy «QazAqparat» HAA menshikti tilshisi.

«Memlekettiń basty mindeti - óz azamattaryn qorǵaý. Sonda ǵana azamattar qaı jerde júrmesin óziniń qorǵaýshysy bar ekenine senimdi bolady», - dedi I. Grıgýle-Peters.

Onyń aıtýynsha, Sırııadan 47 Qazaqstan azamatynyń evakýatsııalanýyn Eýropalyq parlament joǵary baǵalaǵan.

«Quqyq qorǵaý organdary Syrtqy ister mınıstrligimen birlesip júrgizgen gýmanıtarlyq operatsııany biz óte joǵary baǵalaımyz. Osyndaı qıyn jaǵdaıda ári kıkiljiń ortalyǵynda kúrdeli operatsııany sátti iske asyrý ońaı emes», - dedi Eýroparlament depýtaty.

Onyń pikirinshe, qazaqstandyq azamattardy Sırııadaǵy kıkiljiń aımaǵynan qaıtarý boıynsha arnaıy júrgizilgen gýmanıtarlyq operatsııa otandyq dıplomattardyń daıyndyǵynyń joǵary deńgeıde ekendigin kórsetedi.

«Men buǵan deıin Sizderdiń dıplomattaryńyzben birge jumys istegenmen, Syrtqy ister mınıstrliginiń kadrlary álemdik deńgeıde deýge bolatyndaı óte joǵary bilikti mamandar. Sońǵy operatsııa sony dáleldedi», - dedi I. Grıgýle-Peters.

«Osy oqıǵaǵa qaraı otyryp Qazaqstan árbir azamatyn qorǵaıtynyn kóremin, árbir názik jan, qarııa nemese bala - bul memlekettik baǵa jetpes baılyǵy. Solaı da bolýy kerek», - dedi ol.

Onyń oıynsha, EO, RF, AQSh sekildi álemdegi birneshe memleket qana aınalysatyn óz azamattaryn maqsatty túrde eline qaıtarý isi «basqalarǵa jaqsy úlgi bolmaq».

«Bul oqıǵa Qazaqstannyń kúrdeli jaǵdaıda sheshim qabyldaýda jaqsy ári senimdi áriptes ekendigin kórsetedi», - dep túıindedi I. Grıgýle-Peters.


Tımýr Dúısekeev