Eýroparlament Qazaqstandaǵy jańa demokratııalyq reformalardyń áleýetine qoldaý bildirdi

BRıÝSSELЬ. QazAqparat - Qazaqstan Respýblıkasynyń Syrtqy ister mınıstri Muhtar Tileýberdi «Qazaqstan Respýblıkasy – Eýropalyq odaq» Yntymaqtastyq keńesiniń 17-shi otyrysyna qatysý sheńberinde Eýropalyq komıssııanyń vıtse-prezıdenti - EO-nyń Syrtqy ister jáne qaýipsizdik máseleleri jónindegi Joǵarǵy ókili Jozep Borrell, sondaı-aq Eýropalyq Parlament depýtattary tobymen, onyń ishinde QR-EO Dostyq toby jáne Ortalyq Azııa men Mońǵolııa boıynsha Eýroparlament delegatsııasynyń múshelerimen kezdesti, dep habarlaıdy QazAqparat.

«Eýropalyq Parlament depýtattary Prezıdent Qasym-Jomart Toqaevtyń bastamasymen QR-diń jańa demokratııalyq reformalarynyń áleýetin atap ótti. Depýtattar QR Prezıdentiniń eldegi ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qosylý týraly sheshimin, sondaı-aq beıbit jınalystar, jala jabýdy dekrımınalızatsııalaý, saıası partııalar qurý úshin shegin tómendetý jónindegi zań jobalaryn daıyndaý bastamalaryn jáne taǵy basqasyn qoldady», - dedi QR SІM-niń baspasóz qyzmetinen.