Eýroparlament ǵımaratyna koronavırýs juqtyrǵandar ornalastyrylady
NUR-SULTAN. QazAqparat – Eýroparlament koronavırýspen kúresý jáne muqtaj adamdarǵa kómektesý úshin birqatar nysandaryn berdi. Jergilikti bılik ókilderi qazirdiń ózinde onyń eki ǵımaratyn aldy. Bul týraly QazAqparat Euronews-ke silteme jasap habarlaıdy.
Jergilikti bılik ókilderine plenarlyq sessııalar ótetin Strasbýrgtegi jáne komıtetter men komıssııalar jumys isteıtin Brıýsseldegi ǵımarat berildi.
Eýroparlament tóraǵasy Davıd Sassolı bul ýaqytsha shara shara dep úmittenedi.
«Biz osy bir kúrdeli sanıtarlyq-epıdemıologııalyq jaǵdaı kezinde bizdiń ǵımarattarymyzdyń birin úısiz jáne qoǵamnyń álsiz toptaryna usynýdy jón kórdik», - dedi ol.
Brıýsselde Gelmýt Kol attyndaǵy korpýs ekige bólinedi. Bireýi turaqty meken-jaıy joq adamdarǵa, ekinshisi úıge orala almaıtyn aýrýhanalardan shyǵarylǵan naýqastarǵa arnalǵan. Parlament aspazdary olardy tamaqtandyrady.
Frantsııa bıligi Strasbýrgtegi ǵımaratta vırýs juqtyrǵan adamdarǵa qyzmet kórsetetin medıtsınalyq ortalyq paıda bolatynyn málimdedi.
«Aldaǵy aptalarda dıagnostıka júrgizýge bolady. Bul pandemııadan kezinde kóptegen adamnyń testiden ótýi óte mańyzdy. Aýrýdan emdelgen nemese sımptomsyz jandardy oqshaýlaý aldaǵy ýaqytta qajet pe, joq pa sony sheshý kerek», - dedi Eýroparlamenttiń ókili Jaýme Dých.
Naýryz aıynyń ortasynan bastap Eýroparlament depýtattary men qyzmetkerleri qashyqtan jumys isteıdi. Jańa jaǵdaılarǵa beıimdelý óte jyldam ótti. Syrttaı jalpy otyrys ótkizildi, onda zań shyǵarýshylardyń 90%-y úıden daýys berdi.
