Eýroparlament Eýropadaǵy sý tasqynyna baılanysty qarar qabyldady

ASTANA. KAZINFORM – Eýroparlament Aýstrııa, Chehııa, Germanııa, Vengrııa, Polsha, Rýmynııa jáne Slovakııadaǵy joıqyn sý tasqyny týraly qarar qabyldady.

Qujat qol kóterý ádisi boıynsha bekitildi. Eýroparlament músheleri Eýropalyq Odaqtyń azamattyq qorǵaý mehanızminde bıýdjettiń qysqartylýyna narazylyq  tanytyp otyr.

Eýrodepýtattar EO-nyń kelesi kópjyldyq bıýdjetin eskere otyryp, daıyndyqty jáne áleýetti arttyrý úshin qarjylandyrýdy keńeıtýge shaqyrady. 

EP músheleri sondaı-aq EO Yntymaqtastyq qory «Eýropadaǵy tabıǵı apattardyń ósip kele jatqan sany men aýyrlyǵyna proportsıonaldy bolýy tıis» dep sanaıdy. Olar Eýropalyq komıssııany zardap shekken elder úshin qarjylandyrýdy jumyldyrýdy jedeldetýge shaqyryp, birigý saıasaty quraldary sııaqty basqa da tehnıkalyq jáne qarjylyq qoldaýdy surap otyr. 

Qararda atap ótilgendeı, sońǵy 30 jylda sý tasqynynan 5,5 mln adamnyń zardap shekkeni, 3 myń adamnyń qaza bolǵany jáne 170 mlrd eýrodan astam ekonomıkalyq shyǵyn keltirilgen. 

Eýroparlament depýtattary EO jáne álemde aýa raıynyń qolaısyz jaǵdaılary, sonyń ishinde aýqymdy tasqyny, aptap ystyq jáne orman órtteri qarqyndylyǵy men jıiliginiń artýyna qatty alańdaýshylyǵyn bildirdi. 

Uzaqmerzimdi perspektıvada qarar EO-ny aımaqtyq jáne jergilikti turaqtylyqqa ınvestıtsııany ulǵaıtýǵa shaqyryp, EO-nyń bolashaqtaǵy birigý saıasaty klımattyń ózgerýin jeńildetý men beıimdelýge kóbirek nazar aýdarýdy talap etedi. 

Eske sala ketsek, tolassyz jaýǵan jańbyr Ortalyq Eýropada qatty sý tasqynyna sebep boldy.