Eýroparlament depýtaty: Eýroodaq úshin Qazaqstan jaqyn jáne senimdi seriktes
«Qazaq halqyn jáne basshylyǵyn Naýryz merekesimen quttyqtaý men úshin úlken qurmet ári shynaıy qýanysh.
Qys ketip, kóktem kelgende, tabıǵat jańa ómirge oıanǵanda, Kún sáýlesi úıge ǵana emes, adamdardyń júregine de jetkende, sizder kóktem merekesi – Naýryzdy atap ótesizder. Bul mereke sizder úshin erekshe, óıtkeni ol jańa jyldy, jańa múmkindikter ashatyn jańa bastamany bildiredi.
Búkil álem qıyn-qystaý kezeńderdi bastan keshirip jatqan ýaqytta kez kelgen jańa bastama bárimiz úshin úlken ózgeristiń belgisi bolmaq. Meniń oıymsha, qazir adamdarǵa eń qıyny artta qaldy jáne aldymyzda bizdi jarqyn bolashaq kútedi deıtin ýaqyt keldi.
Barsha halqyńyzdy Naýryz merekesimen shyn júrekten quttyqtaımyn jáne elińizdiń ár azamatynyń úıi kóktemgi kún sáýlesimen jylynyp, júrekterinde jańa kúnge artar úmittiń búrshik atýyn tileımin.
Eýropalyq Odaq úshin Qazaqstan – yntymaqtastyq úshin jaqyn jáne senimdi seriktes jáne bizdiń qarym-qatynasymyzdyń serpini qarqyndy damýda. Sondyqtan Eýroparlament, Qazaqstan halqy men basshylyǵy arasyndaǵy yntymaqtastyq odan ári tyǵyz ári tıimdi bolatynyna senimdimin.
Qazaqstandyqtarǵa budan ári de uly jáne gúldengen el qurýdy, al Qazaqstan basshylyǵyna baıyrǵy danalyqty, pozıtıvti oılaýdy jáne Qazaqstandy damytý úshin mańyzdy sheshimder qabyldaýda altyn orta taba bilýdi shyn júrekten tileımin», – dep atap ótti Eýropalyq parlamenttiń depýtaty, EO-Qazaqstan, EO-Qyrǵyzstan, EO-Tájikstan jáne EO-Ózbekstan, sondaı-aq Túrkimenstanmen jáne Mońǵolııamen (DCAS) qatynastar jónindegi parlamenttik yntymaqtastyq komıtetterindegi delegatsııa tóraǵasynyń orynbasary Andrıs Amerıks.
