Eýroparlament depýtattary Túrkııa men Sırııadaǵy jer silkinisine qatysty málimdeme jasady

BRıÝSSELЬ. QazAqparat - Eýroparlamenttiń jetekshi depýtattary birlesken málimdemede kóptegen qurbandar men olardyń otbasylaryna kóńil aıtyp, Eýropalyq jdaqtyń shuǵyl áreketin qoldaıdy, dep habarlaıdy QazAqparat tilshisi.

Eýroparlamenttiń Syrtqy ister komıtetiniń tóraǵasy Devıd MakAllıster, Damý komıtetiniń tóraǵasy Tomas Tobe jáne Eýroparlamenttiń Mashrıkpen baılanys jónindegi delegatsııasynyń jetekshisi Izabel Santos bylaı málimdedi: «Biz myńdaǵan adamnyń ómirin qıǵan Túrkııanyń ońtústigi men Sırııanyń soltústiginde bolǵan kúshti jer silkinisi saldarynan bolǵan adam shyǵyny men jan túrshigerlik apatqa qatty qaıǵyramyz. Biz bar jan-tánimizben kóptegen qurbandar men olardyń otbasylaryna kóńil aıtamyz.

Olar EO Azamattyq qorǵanys mehanızmi men Copernicus spýtnıktik júıesi belsendirilgennen keıin Túrkııa úshin izdeý jáne qutqarý toptaryn jumyldyrǵan Eýropalyq odaqtyń shuǵyl karta jasaý qyzmetterin kórsetý úshin dereý jaýap berýin jón sanaıdy.

«Sırııanyń soltústigindegi kóp jyldar boıy qıyn gýmanıtarlyq jaǵdaıdy bile otyryp, biz zardap shekkenderge, atap aıtqanda EO gýmanıtarlyq kómegin kórsetý arqyly qoldaý kórsetý boıynsha EO-nyń odan ári áreketterin qoldaýǵa daıynbyz», - dep atap ótti Eýroparlament depýtattary.