Eýroparlament depýtattary Túrkııa men Sırııadaǵy jer silkinisi qurbandaryn bir mınýttyq únsizdikpen eske aldy
«Eýropa Túrkııa men Sırııa halqymen birge» degen Roberta Metsola Eýroodaqtyń azamattyq qorǵanys mehanızmi iske qosylǵanyn jáne apat aımaǵyna Eýroodaq kómeginiń jiberilip jatqanyn aıtty.
«Bizdiń oıymyz qaıtys bolǵandardyń otbasylarymen, muqtajdarmen, jaralanǵandarmen jáne táýlik boıy adamdardyń ómirin saqtap qalý úshin kúresip jatqan barlyq qutqarýshylarmen birge», - dep qosty ol.
Strasbýrg qalasynda ótken Eýropalyq Parlamenttiń aǵymdaǵy sessııasy kezinde eýrodepýtattar daǵdarystyq jaǵdaılarǵa den qoıý jónindegi eýrokomıssar ıAnez Lenarchıchtiń baıandamasyn tyńdady.
Eýrokomıssııa ókili ótken aptada Túrkııanyń Gazıantep qalasyndaǵy apat aımaǵynda bolyp qaıtqan.
«Qazirgi ýaqytta biz biletin ólim-jitim sany men qıraý dárejesi sońǵy kezderde buryn-sońdy bolmaǵan», - dedi ıAnez Lenarchıch.
Sondaı-aq Eýroodaq jer silkinisinen zardap shekken aımaqtardy qalpyna keltirý úshin aǵymdaǵy jyldyń naýryz aıynda donorlar konferentsııasyn ótkizedi dep josparlandy.
Ashyq kózderden alynǵan foto
