Eýroparlament «breksıt» týraly kelissózderge narazy
STRASBÝRG. QazAqparat - Eýropalyq parlament depýtattary Ulybrıtanııanyń EO-dan shyǵý týraly tórt raýndty kelissózderdiń nátıjesine kóńili tolmaıtyndaryn bildirdi.
Bul týraly seısenbi kúni Strasbýrgtegi Eýroparlament sessııasynda maquldanǵan rezolıýtsııada aıtylady. 557 depýtattyń 92-i qarsy daýys bergen jáne 29-y qalys qalǵan qujatta London men Brıýssel konsýltatsııasy barysynda EO basymdylyǵy boıynsha «jetkiliksiz progress» dep kórsetilgen.
Taraptar úsh mańyzdy taqyryp boıynsha kelise almaı jatyr: Eýropalyq Odaq pen Ulybrıtanııa azamattarynyń quqyqtaryn qorǵaý, Londonnyń EO aldyndaǵy qarjylyq mindettemelerin rastaýy jáne Irlandııa men Soltústik Irlandııa arasyndaǵy shekaralyq máseleni sheshý.
Rezolıýtsııa Brıýsseldegi qazan sammıtinde EO basshylaryna Ulybrıtanııamen kelissózderdiń ekinshi kezeńiniń bastalýy týraly sheshim qabyldaýǵa keńes beredi, onyń ishinde saýda máseleleri de bar.
