Eýroparlament Belarýs-Polsha shekarasyndaǵy jaǵdaıdy talqylady

BRıÝSSELЬ. QazAqparat – Eýroparlamentte Belarýs-Polsha elderiniń shekarasyndaǵy jaǵdaıdyń shıelenisýine baılanysty jıyn ótkizdi, dep habarlaıdy QazAqparat.

Shara barysynda Eýroparlament depýtattary gýmanıtarlyq uıymdarǵa polıak-belarýs shekarasynda qamalyp qalǵan mıgranttarǵa kómek kórsetý qajettigine nazar aýdardy.
Keıbir parlamentarııler Eýroodaq bıýdjetin Odaqtyń syrtqy shekaralarynda mıgranttardyń turaqsyz ótýine jol bermeıtin qorǵanys qurylystary úshin qoldanýǵa úndedi.
Budan basqa, Eýropalyq odaq basshysy Sharl Mıshel Polshaǵa baryp, onda eldiń Premer-Mınıstri Mateýsh Moravetskımen kelissózder júrgizgen. EO joǵary saıası organynyń basshysy Eýroınstıtýttar men múshe elderdiń «aldaǵy kúnderi» aǵymdaǵy jaǵdaıǵa «aıtarlyqtaı jáne naqty» áser etý úshin qandaı áreketter qoldana alatynyn qarastyratynyn ýáde etti.
Belarýs prezıdenti shekaradaǵy bosqyndar, ásirese júkti áıelder men balalarǵa kómek kórsetý máselesine nazar aýdarýdy tapsyrdy. Memleket basshysy sondaı-aq olarǵa qurǵaq otyn jetkizýdi tapsyrǵan.