Eýroparlament Belarýs basshylyǵyna qatysty sanktsııalar engizýdi talap etýde
BRıÝSSELЬ. 21 qańtar. QazAqparat /Dımash Syzdyqov/ - Beısenbi, 20 qańtar kúni Strasbýrgte ótken Eýropalyq Parlamenttiń májilisinde eýropalyq ókimetterden Belarýs basshylyǵyna qatysty sanktsııalar engizýdi talap etken qarar qabyldandy,
dep habarlady eýroparlamenttiń baspasóz qyzmetinen.
Qarar, 2010 jyldyń jeltoqsan aıyndaǵy saılaýdan keıingi oqıǵalarǵa qatysqan belarýs sheneýnikteriniń, sýdıalary men qaýipsizdik qyzmet ókilderiniń saparlaryna tyıym salýǵa jáne olardyń aktıvterin jaýyp tastaýǵa úndeıdi. Qujat sondaı-aq, osynaý oqıǵaǵa EQYU aıasynda táýelsiz halyqaralyq tekserý júrgizýge de shaqyryp otyr.
Oǵan qosa, Eýroparlament depýtattary Belarýs Úkimetine qarsy maqsatty ekonomıkalyq sanktsııalar engizýdi, onyń ishinde Halyqaralyq valıýta qory, Eýropalyq ınvestıtsııalyq bank jáne Eýropalyq qaıta qurý jáne damý bankteri berip otyrǵan qarjylyq kómekterdi de toqtatyp tastaýdy talap etýde.
QazAqparat buǵan deıin habarlaǵandaı, prezıdenttik saılaýdan keıin, 2010 jyldyń jeltoqsan aıynda, daýys berýdiń nátıjesine rıza bolmaǵan belarýs oppozıtsııasy Mınskide narazylyq aktsııasyn uıymdastyrǵan bolatyn. Ókimet aktsııaǵa qatysqan júzdegen adamdy tutqyndady, olardyń ishinde prezıdenttikke túsken oppozıtsııalyq kandıdattar da bolǵan. Eýroodaq ókilderi belarýs ókimetin ustalǵan barlyq oppozıtsıonerlerdi bosatýǵa jáne olarǵa taǵylǵan aıyptaýlardy alyp tastaýǵa shaqyryp. olaı bolmaǵan jaǵdaıda Belarýsqa sanktsııalar engiziletinin málim etti.
Sanktsııalar engizý týraly naqty másele 31 qańtarda Syrtqy ister mınıstrleriniń keńesinde qaralatyn bolady.
