Eýroparlament basshysy reseılikterge kóńil aıtty
BRıÝSSELЬ. 25 qańtar. QazAqparat /Dımash Syzdyqov/ - Eýroparlyq parlamenttiń tóraǵasy Ejı Býzek Máskeýdegi «Domodedovo» áýejaıynda bolǵan lańkestik árekettiń saldarynan qaza bolǵandardyń otbasylaryna jáne barsha reseılikterge kóńil aıtty.
«Ondaǵan adam qaza bolyp, júzdegen adam jaralanǵan Reseıdiń iri áýejaıyndaǵy lańkestik shabýyldy úzildi-kesildi aıyptaımyn. Lańkestik pen zorlyq-zombylyqty eshqandaı sózben aqtaýǵa bolmaıdy. Osyndaı taǵylyq áreketten buǵan deıin de zardap shegip kelgen Reseı halqyna túsinistikpen qaraımyn. Men barlyq Reseı halqyna, ásirese qaza bolǵandardyń otbasylaryna qaıǵyryp, kóńil aıtamyn. Zardap shekkenderdiń tezirek saýyǵyp ketýlerine tilektespin», - delingen E.Býzektiń málimdemesinde.
