Eýroparlament Armenııamen kelisimdi maquldady
BRıÝSSELЬ. QazAqparat - Sársenbi kúni Strasbýrgte ótken plenarlyq sessııada Eýropalyq parlament Armenııa men Eýroodaq arasyndaǵy keńeıtilgen jáne tolyq qamtylatyn yntymaqtastyq týraly kelisimdi maquldady, dep habarlaıdy «QazAqparat» HAA menshikti tilshisi.
Bul rezolıýtsııany EP 573 depýtaty qoldasa, 50 parlamentarıı qarsy daýys berdi jáne 40 depýtat daýys berýden bas tartty.
Keńeıtilgen jáne tolyq qamtylatyn yntymaqtastyq týraly kelisim boıynsha kelissózder 2015 jyly bastalyp, 2017 jyly aıaqtalǵan edi. Taraptar byltyr qarashada qujatqa qol qoıdy.
Kelisim Eýropalyq Odaq pen Armenııa arasyndaǵy tereń saıası dıalogty, ekonomıkalyq yntymaqtastyqty keńeıtýdi kózdeıdi jáne energetıka, kólik, ekologııa, saýda, bilim berý jáne basqa salalardaǵy seriktestikke jańa serpin beredi.
Eýroparlamenttiń depýtattary Armenııany saılaý ótkizýde, sot bıliginiń táýelsizdigine, sybaılas jemqorlyqqa qarsy kúreske, aqshany jylystatýǵa, salyq tóleýden jaltarýǵa jáne olıgarhııalyq baqylaýdy teris paıdalanýǵa jáne BAQ bostandyǵyna qarsy kúreste aıtarlyqtaı ozyqtyqqa qol jetkizýge shaqyrýda.
Osy mańyzdy reformalardy tıimdi júzege asyrý - yntymaqtastyqtyń odan ári perspektıvalaryn, sonyń ishinde vızalyq rejımdi yryqtandyrý boıynsha dıalogty bastaýǵa múmkindik beredi, dep atap ótti Eýroparlamentte.
Aıta keteıik, Armenııa 2013 jyldyń qarashasynda EO-men qaýymdastyq jáne erkin saýda aımaǵy týraly kelisimge qol qoıýy kerek bolǵan. Alaıda, kelisimdi rásimdeýge eki aı qalǵanda Erevan Keden odaǵyna kirýge jáne eýrazııalyq ıntegratsııaǵa qatysýǵa nıetti ekendigin málim etti. Armenııa Eýrazııalyq ekonomıkalyq odaqqa 2015 jyldyń qańtarynan qosyldy.
