Eýropanyń týrıstik sektorynda kadrlar jetispeı jatyr

NUR-SULTAN. QazAqparat – Álemniń kóptegen elderinde koronavırýstyq shekteý sharalary alynyp, azamattardyń erkin saıahattaýyna múmkindik týdy. Alaıda, bul baǵytta týrıstterge qyzmet kórsetetin jumyskerler jetispeı jatyr, dep habarlaıdy QazAqparat tilshisi Euronews-ke silteme jasap.

Búginde qonaq úı jáne meıramhana ıeleri karantın saldarynan bolǵan shyǵyndardy óteý úshin qyzmetkerlerdiń jalaqysyn qyrsqartýda.

Dúnıejúzilik saıahat jáne týrızm keńesiniń zertteýine sáıkes, aǵymdaǵy jyly týrıstik sektordaǵy eń kóp kadr tapshylyǵy - Italııada oryn alyp otyr. Onda 250 myń jumysshy jetispeıdi. Al, Frantsııada týrısterge qyzmet kórsetin - 71 myń, Ulybrıtanııada - 128 myń jáne Portýgalııada - 49 myń personal tapshy.

Frantsııa men Portýgalııa máseleni sheshý úshin qyzmetke emıgranttardy tartýda. Bul oraıda, Ulybrıtanııa Úkimeti bolsa, shetelden jumys kúshin tartýǵa qarsylyq bildirdi.

Dúnıejúzilik saıahat jáne týrızm keńesiniń mamandary atalǵan saladaǵy kadr tapshylyǵyn retteý maqsatynda tıimdi vızalyq talaptar, mamandardy oqytý men olardyń biliktiliktiligin arttyrýǵa negizdelgen baǵdarlamalaryn engizýdi usynyp otyr.

Qosa ketsek, buǵan deıin Eýropanyń azamattyq avıatsııa salasy daǵdarysqa ushyrap jatqanyn jazǵan bolatynbyz. Ondaǵy daǵdarystyń basty sebebi - demalys maýsymynda ushaq bıletterine degen suranystyń shamadan tys artqany. Tıisinshe, kóp kólemdegi týrısterge qyzmet kórsetý úshin jumys kúshi jetispeı jatyr.