Eýropanyń soltústiginde – qarly boran, ońtústiginde – sý tasqyny
LONDON. EWRONEWS - QazAqparat – Ulybrıtanııada qar jaýyp, kún sýytyp, kólik qozǵalysy qıyndady, dep habarlaıdy QazAqparat Euronews-ke silteme jasap.
Ulybrıtanııanyń keıbir aýdandarynda aýa temperatýrasy mınýs 10 gradýsqa deıin tómendedi. Aýa raıy qyzmeti Anglııanyń ońtústik-shyǵysynda jáne ońtústik-batysynda, sondaı-aq Shotlandııanyń soltústiginde qar, tuman jáne aıaz bolatynyn eskertti. Londonnyń Stansted áýejaıy áýe qozǵalystarynda úzilister bolatynyn habarlady.
Polsha aýmaǵynda qalyń qar jaýyp, avtomobıl jáne temirjol qatynasy qıyndady. Polıtseıler jol-kólik oqıǵalarynyń kóbeıgenin habarlady. Aýa raıy boljamy boıynsha, qardyń sońy aıazǵa ulasady. Aýa temperatýrasy mınýs 10-15 gradýsqa deıin tómendeıdi. Túnde 20 gradýsqa deıin aıaz.
Kúshti boran Estonııaǵa da jetti. Sınoptıkter aýa raıynyń qolaısyzdyǵy týraly ekinshi deńgeıli eskertý jarııalady. Dúısenbi kúni tańerteń qar jaýyp, jel soqqannan 10 myńnan astam úı jaryqsyz qaldy. Jol qozǵalysy qıyn. Áýejaılarda reıster toqtatyldy.
Al Bosnııa men Horvatııa jańbyr saldarynan týyndaǵan sý tasqynynan zardap shegip otyr. Ondaǵan úıler men joldardy sý basqan. Bılik jaýyn-shashyn toqtamasa, evakýatsııa júrgizilýi múmkin ekenin aıtty. Bosnııada qala mańyndaǵy kóshkin kem degende bir adamnyń ómirin qıdy.
Foto: PLTVP via EVN
