Eýropanyń ortalyǵynda daýyl bolyp, adamdar zardap shekti
BRıÝSSELЬ. 5 qańtar. QazAqparat /Dımash Syzdyqov/ - Eýropanyń naq ortasynda - Belgııada sársenbiden beısenbige qaraǵan túnde taǵy da kúshti daýyl soqty, onyń saldarynan keminde eki adam zardap shekti.
Qazirge deıin búkil Belgııada saǵatyna 100 shaqyrymǵa jetken kúshti jel baıqalýda, kúshti nóser jaýady dep kútilýde. Bul týraly Koroldik meteorologııalyq ınstıtýt habarlady.
Jergilikti polıtsııanyń habarlaýynsha, ótken túnde eýropanyń astanasynan 60 shaqyrym jerdegi Antseg qalasynyń mańynda jolǵa qulaǵan aǵashqa júk avtomobıli soqtyǵysyp, eki adam jaraqat aldy.
Tańerteń Belgııadaǵy kúshti jeldiń saldarynan temirjol poıyzdary, sonyń ishinde eýropalyq iri qalalardy jalǵastyratyn ushqyr jelilerdiń poıyzdary keshiktirildi.
Budan basqa, búgin túske deıin eldiń barlyq aýmaǵynda saıabaqtar jabyldy. Brıýsselde barlyq saıabaqtarǵa juma kúngi tańerteńge deıin barýǵa tyıym salynǵan.
Belgııadaǵy kúshti jel úsh kún boıy soǵyp tur. Seısenbi kúni, 3 qańtarda aǵashtar qulap, tóbe jabyndaryn jel julyp áketýi saldarynan 4 adam zardap shekti, olardyń arasynda 7 jasar bala bar. Dúleı jel men nóser jańbyrdyń saldarynan eldiń soltústigindegi ekonomıkalyq jaǵynan qýatty Flandrııaǵa eleýli materıaldyq zııan keltirildi.
