Eýropanyń ońtústik-shyǵysynda qatty naızaǵaı oınady
Kúshti daýyl Serbııaǵa qatty jel men nóser jańbyr ákeldi. Qalanyń keıbir aýdandary jaryqsyz qaldy, Belgrad áýejaıy ýaqytsha jabyldy.
Meteorologtar aýa raıynyń qaýiptiligi aldaǵy ýaqytta da saqtalady dep eskertedi.
Kem degende bes adam aımaqtaǵy elementterdiń qurbany boldy - Horvatııada, Slovenııada jáne Bosnııa-Gertsegovınada olar jel ushyryp qulatqan aǵashtardan qaza tapty. Ondaǵan adam zardap shekti. Qutqarý qyzmetteri júzdegen qońyraýlardy tirkedi.
Horvatııanyń astanasy Zagrebte tolassyz jaýǵan jaýyn sý deńgeıiniń kenet kóterilýine sebep boldy. Aýa raıynyń qolaısyzdyǵyna baılanysty qalalyq kólik qozǵalysy toqtatyldy, elektr qýatyn berýde úzilister boldy.
Slovenııada ondaǵan myń adam jaryqsyz qaldy, qatty jel shatyrlaryn qulatyp, týrıster lagerlerden evakýatsııalandy. Eń kóp zııan bıik taýly ormandarǵa tıdi jáne bılik alpınısterdi bul aımaqtardan aýlaq bolýǵa shaqyrady.
