Eýropanyń kardıohırýrgtary Qazaqstanǵa oqýǵa kelip jatyr - ıÝ. Pıa
ASTANA. QazAqparat - Astanadaǵy Ulttyq ǵylymı kardıohırýrgııalyq ortalyq qazaqstandyq mamandar úshin ǵana emes, sheteldikter úshin de bilim bazasyna aınalýda. Bul týraly búgin Parlament Senatynda ótken kezdesý barysynda QR Ulttyq kardıologııa ortalyǵy Basqarma tóraǵasy ıÝrıı Pıa málim etti.
ıÝrıı Pıanyń aıtýyna qaraǵanda, aǵymdaǵy jyldyń ózinde Astanadaǵy Ortalyqtan 15 Eýropa memleketinen kelgen elýden astam maman oqyp shyqqan. Bul rette Ortalyq basshysy mekemede ǵylymı zertteý jumystary belsendi túrde júzege asyrylyp qana qoımaı, ozyq medıtsınalyq tehnologııanyń praktıkalyq tájirıbelerin engizýmen de aınalysyp jatqanyn atap ótti.
«Bizdiń Ortalyq halyqaralyq zertteýlerge de belsendi qatysyp jatyr. Máselen, jaqynda ǵana biz sońǵy býyndaǵy jasandy júrekti paıdalaný boıynsha kópqyrly halyqaralyq zertteýdi aıaqtadyq. Sonymen qatar, Qazaqstan búgingi tańda jasandy júrekti klınıkalyq zertteýden tys qoldanýdy jalǵastyryp kele jatqan álemdegi birden-bir memleket bolyp otyr», - dedi ıÝrıı Pıa.
