Eýropanyń eń baı adamy ataldy
ASTANA. 15 maýsym. QazAqparat - Eýropanyń eń baı adamy bolyp Zara jáne Massimo Dutti brendteriniń qojaıyny, ıspandyq Amansıo Orteganyń esimi ataldy, dep habarlady Ýtro.rý.
Bloomberg mıllıarderler ındeksine sáıkes alpaýyttyń dáýleti 39,5 mıllıard dollarǵa baǵalanyp otyr.
Sóıtip, Ortega shvedtik IKEA jıhaz kompanııasynyń negizin qalaýshy jáne basshysy, 37 mıllıard dollar dáýlet jıǵan Ingvar Kampradty basyp ozdy.
Buqaralyq aqparat quraldarynyń atap ótýinshe, ıspandyq Eýropadaǵy eń dáýletti adam bolyp otyr, al onyń týǵan eli qarjy daǵdarysy saldarynan Eýroodaqtan 125 mıllıard dollar aqsha surap, alaqan jaıýda, al elde jumyssyzdyq deńgeıi 20 paıyzǵa jetti.
