Eýropanyń eń arzan qalalary anyqtaldy
ASTANA. QazAqparat - Belgrad (Serbııa), Praga (Chehııa), Býdapesht (Vengrııa), Zagreb (Horvatııa), Lıýblıana (Slovenııa) Eýropanyń eń arzan qalalary bolyp shyqty. Mundaı qorytyndyny Germanııanyń kólik áýesqoılarynyń ADAC klýby arnaıy zertteý júrgizgennen keıin jasap, usynyp otyr, dep jazady Rosbalt.
Zertteý talaptary boıynsha, bul qalalar shahar boıynsha saıahat, gıd qyzmeti, qoǵamdyq kólik baǵasy, meıramhanalardan tústený qunynyń arzandyǵy boıynsha anyqtalǵan.
Ortasha eseppen, bul memleketterde 2 kúndik demalys quny, qonaq úı shyǵynyn eseptemegende shamamen 70 eýro bolady.
«Ásirese, Praga men Býdapeshtte sýsyn, meıramhanalarda tamaqtaný óte arzan. Biraq salystyrmaly túrde qoǵamdyq kólik qymbat», dep jazylǵan maqalada.
Al Eýropanyń: Oslo, Parıj, Kopengagen qalalary káriqurlyqtaǵy eń qymbat shahar sanalady.
