Eýropanyń birqatar eli karantın sharalaryn kúsheıtýde
Portýgalııada kóshede betperde taǵýdy mindetteıtin zań qabyldandy jáne úılený toılary, dinı is-sharalardy jáne basqa da jappaı otbasylyq is-sharalarǵa tyıym saldy. Elde 2 qarasha koronavırýs ınfektsııasynan qaıtys bolǵandardy Ulttyq aza tutý kúni bolyp jarııalanady.
Italııanyń Kampanııa aımaǵynyń gýbernatory Helloýınge baılanysty demalys kúnderi komendanttyq saǵat engizetinin jarııalady. Aldaǵy eki aptada bul ońtústik aımaqta, onyń ishinde Neapolde mektepter jabylatyny habarlandy.
Gretsııada COVID-19 taralýy joǵary aımaqtarda komendanttyq saǵat engiziledi, betperde taǵý tek ǵımarattar, barlar men meıramhanalarda ǵana emes, sonymen qatar ashyq qoǵamdyq jerlerde de mindetti bolyp tabylady.
Chehııada mektepter, meıramhanalar, sport klýbtary, sondaı-aq halyqqa qyzmet kórsetetin birqatar kásiporyndar jabyldy. Azyq-túlik dúkenderi men dárihanalar jumys isteıdi. Betperde kııý mindetti bolyp tabylady.
Bolgarııa bıligi medıtsınalyq ýnıversıtetterdiń stýdentterin medıtsınalyq qyzmetkerler jetispeıtin aýrýhanalarǵa kómektesýge shaqyrdy. El Úkimeti tótenshe epıdemııalyq jaǵdaı rejımin qarasha aıynyń sońyna deıin uzartty. Elde qatań betperde taǵý rejımi engizildi.
Slovakııa bıligi azamattardyń kóshede júrýine shekteý engizýde: úıden tek oryndy sebeptermen shyǵýǵa bolady. Joǵary synyp oqýshylary dúısenbiden bastap qashyqtyqtan oqytýǵa aýystyrylady.
