Eýropanyń áıgili sahnalarynda qazaqtyń án-kúıi áýeleıdi
ALMATY. QazAqparat - Bıyl Almaty memlekettik fılarmonııasynyń kameralyq orkestri Ulybrıtanııa, Irlandııa jáne Italııada aýqymdy týr ótkizedi, dep habarlaıdy QazAqparat tilshisi.
Jambyl atyndaǵy Memlekettik fılarmonııa kameralyq orkestri 22-30 qazan aralyǵynda Eýropanyń eń áıgili kontsert zaldarynda birneshe kontsert bermek.
Óner ujymy QR Elshiliginiń jáne QR Mádenıet jáne sport mınıstrliginiń qoldaýymen Dýblın, Manchester, London, Mılan jáne Rım qalalarynda qazaq mádenıetiniń jarshysy bolmaq.
«Rýhanı Jańǵyrý» baǵdarlamasy aıasynda qolǵa alynǵan sharanyń halqymyzdyń baıyrǵy mýzykalyq murasymen álemdi tanysatyrýda bereri mol. Bul mıssııa rýhanı jańǵyrýdyń mańyzdylyǵyn arttyra túsedi. Bul kontsertter qazaq óneriniń san alýandyǵyn sıpattaıtyn mádenıettiń jarshysy bolmaq»,- dedi uıymdastyrýshylar.
Álemik týrnege shyqpas buryn orkestr Almatyǵa gastroldik saparmen kelgen kanadalyq skrıpkashy Lara Sent-Djonmen birge kontsert qoıady.
