Eýropanyń 7 elinde koronavırýsqa qarsy vaktsınatsııa bastaldy
NUR-SULTAN. QazAqparat – Osy aptada Eýropanyń 7 elinde koronavırýsqa qarsy vaktsınatsııa bastaldy, dep habarlaıdy QazAqparat.
Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda koronavırýs ınfektsııasyna qatysty álemdegi sońǵy jańalyqtar usynylǵan.
Habarlanǵandaı, «Ulybrıtanııada tabylǵan COVID-19-dyń jańa shtammy osyǵan deıin ǵylymǵa belgili bolyp kelgen mýtatsııalarǵa qaraǵanda anaǵurlym qaýipti, keler jyly statsıonarlyq emdi qajet etetinderdiń sany men ólim jaǵdaılary artady» degen brıtandyq ǵalymdardyń boljamyna halyqaralyq sarapshylar baǵa bergen. Alaıda, vırýsologtar men epıdemıologtardyń pikirleri ártúrli bolyp, bir arnada toǵyspaǵan.
Al London ýnıversıtetiniń (UCLH) ǵalymdary koronavırýsqa qarsy ımmýnıtetti jedel beretin jańa preparatty synaqtan ótkizip jatyr.
Dúnıejúzilik densaýlyq saqtaý uıymynyń málimetteri boıynsha, álemde koronavırýs ınfektsııasyn juqtyrǵandardyń sany shamamen 80 mıllıon adamdy quraıdy. Olardyń 1,74 mıllıonnan astamy qaıtys bolǵan. Rastalǵan jaǵdaılardyń sany boıynsha AQSh birinshi orynda tur, elde 18,9 mıllıonnan astam adam vırýs juqtyrǵan. Ekinshi orynda – Úndistan (10,1 mln), úshinshi orynda — Brazılııa (7,4 mln), tórtinshi orynda – Reseı, besinshi orynda – Frantsııa. Ulybrıtanııa, Túrkııa, Italııa, Ispanııa, Germanııa, Argentına men Kolýmbııada 1,5 mıllıonnan astam adam indetti juqtyrǵan.
Sondaı-aq osy aptada Eýropada COVID-19-ǵa qarsy vaktsına egý bastaldy. Ekpelerdi Germanııa, Frantsııa, Ispanııa, Avstrııa, Bolgarııa, Chehııa jáne Italııa turǵyndary ala bastaǵan. Ekpe erikti túrde júrgizilýde.
