Eýropanyń 11 eli Atyraý ekonomıkasyna ınvestıtsııa salýǵa qyzyǵýshylyq tanytty
Atyraý oblysyna Eýropalyq odaqtyń Qazaqstandaǵy elshisi Kestýtıs ıAnkaýskas pen 11 eldiń elshisi keldi. Onyń ishinde Horvatııa, Bolgarııa, Portýgalııa, Nıderlandy Koroldigi, Estonııa, Belgııa, Germanııa, Slovakııa, Frantsııa, Ispanııa, Avstrııa elderiniń Qazaqstan Respýblıkasyndaǵy Tótenshe jáne Ókiletti elshileri, Frantsııa elshiliginiń ekonomıka máseleleri jónindegi attashesi bar.
Oblys ákimi Serik Shápkenovtiń málimetinshe, bıylǵy qańtar-qyrkúıek aralyǵynda Atyraý oblysynyń Eýroodaq elderimen syrtqy saýda aınalymy 14,4 mlrd AQSh dollaryn quraǵan. Onyń ishinde eksport – 14,1 mlrd AQSh dollary, al, ımporttyń úlesi – 269,02 mln AQSh dollary.
«Eýropalyq odaq – elimizdiń basty ekonomıkalyq ári saýda seriktesteriniń biri. Memleket basshysy Qasym-Jomart Toqaevtyń Atyraý oblysynda aýyl sharýashylyǵy, balyq
sharýashylyǵy, densaýlyq saqtaý jáne bilim berý salasyn damytý jóninde bergen tapsyrmasyna sáıkes Eýrodaq elderimen tyǵyz baılanys ornatýǵa, birlese jumys isteýge daıynbyz. Óńirdegi arnaıy ekonomıkalyq aımaqta ınvestorlarǵa qolaıly jaǵdaı jasaldy. Bolashaqta polıetılen jáne býtadıen óndirisin órkendetý jospary bar», -dedi Serik Shápkenov.
Eýropalyq Odaq pen 11 eldiń elshileri Atyraý oblysyndaǵy kólik-logıstıka salasyn jańǵyrtýǵa, ónerkásiptik ınfraqurylym men jasyl ekonomıkany damytýǵa ınvestıtsııa salýǵa qyzyǵýshylyq tanytty.
«Atyraý oblysyna alǵashqy saparymda Azııa men Eýropany jalǵaıtyn kópirdi kórýge asyqpyn. Bul óńirdegi saýda aınalymynyń artýy, kóptegen kompanııalardyń Qazaqstan naryǵynda kelisimshart jasasyp, sonyń aıasynda belsendi jumys isteýi – ekijaqty
qarym-qatynastyń jaqsy damyǵanynyń jemisi. Eýropalyq Odaqqa múshe elderdiń bári Qazaqstannyń eń iri ınvestıtsııalyq seriktesine aınalyp otyr. Odaq elderi osy óńirge de ozyq tehnologııalardy ákelip, ınvestıtsııa salýǵa daıyn», -dedi Eýropalyq odaqtyń Qazaqstandaǵy elshisi Kestýtıs ıAnkaýskas.
Eske sala ketelik, budan buryn Majar ınvestory Atyraýda kúnnen energııa alý jobasyn usynǵanyn jazǵan edik.
Foto: gov.kz
