Eýropany sý basty
ASTANA. 11 qańtar. QazAqparat - Aýa raıynyń kúrt jylynýy men qardyń erýinen Eýropany sý basý qaýpi paıda boldy. Germanııadaǵy jaǵdaı tipten qıyndap barady. Kún jylyna bastaǵannan beri ózenderdegi sý odan saıyn artyp keledi, dep habarlady Ýtro.rý agenttigi.
Tabıǵat apaty bolyp jatqan aýmaqta, ıaǵnı Koblents jáne Trır qalalarynyń ortasynda ornalasqan Mozel ózeniniń boıynda 30-ǵa jýyq eldi meken bar. Sý tasqyny eki adamnyń ómirin qısa, úsh adam iz-tússiz joǵalǵandar qatarynda.
Sý tasqynynan Chehııanyń da birqatar aýdandary zardap shegýde. Elba ózeni arnasynan asyp, sonyń saldarynan ózenniń oń jaq jaǵalaýynan ótetin avtomagıstraldy sý basty. Chehııanyń batysy men ortalyǵyndaǵy sý qoımalarynda da jaǵdaı nasharlap, sý deńgeıi artyp ketken, boljam boıynsha, mundaı jaǵdaı qańtar aıynyń sońyna deıin jalǵasady.
