Eýropany aptap ystyq býyp tur
ASTANA. 19 tamyz. QazAqparat - Frantsııanyń ońtústik-batysynda termometr baǵany plıýs 35 gradýs ystyqty kórsetip tur, dep habarlady Pravda.rý saıty.
Sınoptıkterdiń boljamyna qaraǵanda, taıaýdaǵy eki táýliktiń ishinde keıbir qalalarda aýanyń temperatýrasy 40 gradýsqa deıin kóterilmek.
Shuǵyl qyzmetter aptap ystyq 21 departamentte beleń alyp turǵanyn habarlady.
Kórshiles Ispanııada da ystyq basylmaı tur. Katalonııada, Andalýsııada jáne Sevılede kúnniń ystyǵy 41 gradýsqa deıin jetti. Týrıster qalalarǵa ekskýrsııaǵa shyǵýdan bas tartýda, olar kóbine sýdyń qasynda bolǵysy keledi. Salqyndatylǵan sýsyn men balmuzdaq satatyn dúńgirshekterdiń joly boldy. Bul kúnderi ádettegiden eki eseden astam paıda tústi.
Ispanııanyń Gomer jáne Tenerıf araldarynda (Kanar araldary) orman órtteriniń saldarynan 4,7 myńnan astam adam apat aımaǵynan shyǵaryldy.
