Eýropanyń tórt iri fýtbol lıgasy FIFA-ny reformalaýdy talap etti
ASTANA. KAZINFORM – Germanııa Býndeslıgasy, Anglııa Premer-lıgasy, Italııa Serııa A jáne Ispanııa La Lıgasynyń basshylyǵy FIFA-ǵa birlesken úndeý joldap, uıymdy aýqymdy reformalaýǵa shaqyrdy, dep habarlaıdy BILD basylymy.
– Sońǵy jyldary fýtboldyń qalyptasqan negizderi basqarý júıesindegi túbegeıli máseleler saldarynan qaýipke ushyrady. FIFA prezıdenti olardyń aldyn alýdyń ornyna, paıdalanýshylyq sıpattaǵy bastamalardy belsendi túrde ilgeriletti. FIFA-daǵy basqarý máselesi bir ǵana adamnyń qyzmetinen áldeqaıda aýqymdy, – delingen úndeýde.
Lıgalar óz málimdemesinde álem chempıonatyn ótkizý quqyǵyn satýǵa syrtqy ınvestorlardy tartý jónindegi sátsiz jobaǵa, sondaı-aq AQSh shabýylshysy Foların Balogýnonyń Donald Tramppen telefon arqyly sóıleskennen keıin dıskvalıfıkatsııasynyń kúshin joıýyna mysal keltirdi.
Eýropalyq lıgalar úsh naqty talap qoıdy. Olar – múddeli taraptardyń sheshim qabyldaý úderisine naqty qatysýyn qamtamasyz etý, sheshimderdi naqty derekter negizinde qabyldaý jáne fýtboldyń basty basqarýshy organy retinde FIFA-ny kommertsııalyq múddelerdiń basym yqpalynan qorǵaý.
Lıgalar 2027 jylǵy 18 naýryzda saılanatyn FIFA prezıdenti qyzmetine kiriskennen keıin alǵashqy 100 kún ishinde táýelsiz komıssııa quryp, onyń alty aıdan keıin esebin jarııalaýyn usyndy.
Qazirgi ýaqytta Djannı Infantıno FIFA prezıdenti laýazymyna jańa merzimge úmitker retinde resmı málimdegen jalǵyz kandıdat bolyp otyr.
Buǵan deıin FIFA Djannı Infantınonyń bedeline nuqsan keltirýge baǵyttalǵan «kelisilgen jáne jalǵasyp jatqan áreketter» bar ekenin málimdegen edi. Uıym onyń atyna aıtylyp júrgen aıyptaýlardy negizsiz ári FIFA-da belgilengen demokratııalyq rásimderge sáıkes kelmeıdi dep sanaıdy.
Aıta keteıik, buǵan deıin FIFA prezıdenti Djannı Infantıno qaıta saılaýǵa túsetinin jazdyq.
Al alty eldiń fýtbol qaýymdastyǵy FIFA basshysyna qarsy shyqty.
