Eýropalyqtardy tańqaldyrǵany - saılaýshylardyń saılaý naýqanyna óte belsendi túrde qatysqany - ıtalııalyq depýtat
ASTANA. QazAqparat - Eýropalyqtardy tańqaldyrǵany - saılaýshylardyń saılaý naýqanyna óte belsendi túrde qatysqany. Bul týraly búgin ótken brıfıngte Italııa Parlamenti Senatynyń depýtaty, EQYU PA janyndaǵy ıtalııa delegatsııasynyń múshesi Serdjıo Dıvına aıtty.
"Búgin biz baqylaý fazasyn aıaqtadyq. Osy saılaýda bizdi, ıaǵnı eýropalyqtardy tańqaldyrǵany - saılaýshylardyń saılaý naýqanyna óte belsendi túrde qatysqany. Eýropada saılaý ótse, mundaı kórinisti kórý qıyn. Meniń oıymsha, munyń sebebi eýropalyqtarlyń saıasatqa onsha qyzyqpaıtyny. Sizderdiń elderińiz sııaqty jas memleket úshin munda turatyn ár azamattyń bolashaqqa degen senimi kúshti, damýǵa degen umtylysy myǵym jáne halyqty bastap kele jatqan adamǵa degen senimi myqty kórindi", - deıdi ol. Halyqaralyq baqylaýshynyń aıtýynsha, el saılaǵan jańa Prezıdent memleketterdi jańa belesterge kóteredi. "Meniń oıymsha, ózderińiz saılaǵan jańa Prezıdent eldiń damyn qaryshtatatyn jańa baǵdarlamalar qabyldap, memleketterińizdi jarqyn bolashaqqa bastaıdy", - deıdi S. Dıvına.
