Eýropalyqtar óte kóp tamaqtanady - zertteý
NUR-SULTAN. QazAqparat - Ǵalymdar jaqynda jarııalaǵan baıandamada Eýropa halyqtarynyń álemniń «jer resýrstaryn» kóp tutynatyny aıtylǵan. VVS basylymynyń jazýynsha, ǵalymdar baıandamada eýropalyqtardyń kómirtekti kóp mólsherde bóletinin, tym kóp tamaqtanyp, aǵash ónimderin mólsherden kóp paıdalanatynyn aıtqan.
«WWF jasyl toby men Global Footprint Network baıandamasynda eýropalyqtar álemdik jer resýrstardyń joıylýyna kóp áserin tıgizip jatqany aıtylǵan. Ulybrıtanııa úkimeti Eýropanyń planetaǵa keri áserin joıý úshin alda kele jatqanyn aıtty» dep jazady basylym.
Baıandamada jazylǵandaı, eger álemde barlyǵy Eýroodaq turǵyny sekildi qorshaǵan ortaǵa áser etse, 10 mamyr kúni adamdar bir jylda jańartylatyn tabıǵat resýrstaryn bitirip tastaıtyn edi. Sol sebepti 10 mamyr Eýroodaqtyń Jerge soqqysy kúni dep atalady. Sarapshylar jyl sońyna deıin eýropalyqtar Jerdiń «tabıǵat kapıtalyn» azaıtatynyn aıtady.
«Ǵalymdar anyqtaǵandaı, búgingi tańda Eýroodaq halqy resýrstardy bul jerdiń ekojúıesi qalpyna keltire alatyn resýrstan eki ese kóp mólsherde tutynady. Eýroodaq halqy álem halqynyń 7%-yn quraǵanmyen, Jerdiń 20% bıosyıymdylyǵyn qoldanady», dep jazady basylym.
Óz kezeginde Eýroodaq álemdik resýrstardy tıimdi paıdalanýǵa tyrysyp baǵýda. Sol maqsatpen Eýroodaqta «sheńber ekonomıka» qolǵa alynǵan. ıAǵnı, resýrstar úzdiksiz qoldanylyp, qaıta óńdelip, qaıta qoldanylady.
«Eýropa keńesiniń prezıdenti Donald Týk Eýroodaq sammıtinde Tabıǵatty qorǵaýǵa shaqyrdy. Ol úshin aýylsharýashylyq ádisterin ózgertip, parnıktik gazdar qaldyǵyn múldem boldyrmaý kerektigin aıtty. Segiz memleket 2050 jylǵa deıin osy maqsatqa jetý kerektigin qoldady. Rýmynııa men Germanııa bul kelisimge qosylmady», dep jazady basylym.
