Eýropalyqtar kıiz úıge qyzyǵýshylyq tanytýda
BRıÝSSELЬ. QazAqparat - Kóshpendilerdiń dástúrli baspanasy - kıiz úıler Eýropada tanymaldylyqqa ıe bolýda. Qorshaǵan ortaǵa zııansyzdyǵy, qoldanýǵa jeńildigi jáne kez kelgen jerge ornatýǵa qolaılylyǵy - kıiz úıdiń basqa da arhıtektýralyq sheshimderge qaraǵanda basymdylyqtary, dep habarlaıdy «QazAqparat» HAA menshikti tilshisi.
«Biz kásibimizdi 1,5 jyl buryn bastadyq. Maǵan kıiz úı jasaǵan unaıdy: onyń pishini, ishindegi ahýaly - barlyǵy minsiz», - dedi Belgııadaǵy kıiz úı óndirýshi Be Yurt fırmasynyń negizin qalaýshy Stefan Klımovskı.
Sheteldik kásipker eshqashan Ortalyq Azııaǵa barmaǵan bolyp shyqty, ol kóshpendilerdiń baspanasyn Internet arqyly bilgen eken. Óziniń dosy ıAnn Berlemontpen birge sýretke qarap otyryp, kıiz úıdiń syzbasyn salyp, alǵashqy prototıpin jasaǵan. Ol qysqa ýaqyttyń ishinde satylyp ketken.
«Belgııada barlyq ǵımarattar tórtburyshty pishinde, biraq bizge bul unamaıdy. Biz muny Belgııadaǵy qurylystyń jańa serpini dep esepteımiz», - dep atap ótti ol.
«Ortalyq Azııada jel qatty soǵady, biraq jaýyn-shashyn az. Biz kıiz úıdi bıik etip jasaýdamyz. Sol úshin jańbyr jaýǵanda, sý tez aǵyp ketedi. Eýropadaǵy satyp alýshylar oqshaýlyq pen yńǵaılylyqty qalaıtyndyqtan, azdap túrlendirdik. Kıiz úıdiń túsin de ózgerttik. Mundaǵy adamdar ashyq tústi jaqsy kóredi», - dedi S. Klımovskı.
Kıiz úıdiń shańyraǵy eki qabatty shyny plastıkten jasalǵan. Fırma klıenttiń talǵamyna qaraı mezonın, bólmeler, vanna men ájethana jasaı alady. Baspanaǵa jaryq pen káriz tartylady. Jylý organıkalyq otyn arqyly qaýipsiz peshpen beriledi.
«Kıiz úıdiń birneshe qabaty bar. Onyń syrtqy qabaty - tolyqtaı sý ótkizbeıdi. Qabyrǵalary men kúmbezinde eni 10-20 sm bolatyn jylylyq saqtaǵyshy bar. Kıiz úıdiń ishi maqtadan jasalǵan matamen qaptalǵan. Edeni emen men qaraǵaıdan jasalady», - dedi sheteldik.
S. Klımovskıdiń aıtýynsha, Eýropada kóshpendilerdiń dástúrli turǵyn úıine degen qyzyǵýshylyq artyp keledi. Búginde olardyń fırmasyna kóptegen tapsyrystar túsýde, osyǵan oraı olar qyzmetkerler sanyn arttyrýǵa májbúr bolǵan.
«Kıiz úıdi turǵyn úı retinde de, oǵan qosymsha retinde de satyp alyp jatyr. Dıametri 8 metr bolatyn kıiz úıdi 4-6 aptada jasaımyz, ony ornatýǵa 3-5 kún ketedi», - dedi S. Klımovskı.
S. Klımovskı kıiz úılerdiń Belgııadan bólek, Frantsııada da tanymal ekendigin jáne onda kóshpendilerdiń baspanasynan quralǵan birneshe qonaq úı bar ekendigin atap ótti. Sheteldik kásipkerler Ardennada óz qonaq úılerin ashýǵa nıetti.
