Eýropalyq sheneýnikter sodyrlardyń Sheshenstan parlamentine shabýylyn aıyptady
BRıÝSSELЬ. Qazannyń 20-sy. QazAqparat /Dımash Syzdyqov/ - Eýropalyq sheneýnikter sodyrlardyń Sheshenstan parlamentine shabýylyn aıyptady. Bul týraly Eýropalyq Parlamenttiń tóraǵasy Ejı Býzek pen Eýropalyq odaqtyń Sheteldik ister jáne qaýipsizdik saıasaty jónindegi joǵarǵy ókili Ketrın Eshton taratqan málimdemelerde aıtyldy.
Eýroparlament basshysynyń málimdemesinde «Men Sheshenstannan kelip túsken habarlarǵa óte alańdaýlymyn. Men lańkesterdiń sheshenstandyq parlamentke shabýylyn úzildi-kesildi aıyptaımyn. Qarsylyqtyń túri retinde qandaı jaǵdaıda da zombylyq pen adam óltirý eshqashan da abyroı ápermeıdi», delingen.
Budan basqa Eýroparlament tóraǵasy osy jylǵy qazannyń 21-inde Strasbýrgtegi jalpy sessııanyń aýqymynda onyń aıtýynsha, «shıelenis ósip, zańsyzdyq pen turaqsyzdyq beleń alǵan» Soltústik Kavkazdaǵy jaǵdaı boıynsha pikirsaıys ótetinin habarlady.
Óz kezeginde EO joǵarǵy ókili K.Eshton da Sheshenstan Parlamentine lańkester shabýylyn tolqý ústinde qabyldaǵan. «Eshqandaı jaǵdaı lańkesterdiń zombylyqty qoldanýyn aqtaı almaıdy. Biz halyqaralyq lańkestikke qarsy kúreste Reseımen yntymaqtastyqty nyǵaıtýǵa ázir ekenimizdi qýattaımyz», delingen taratylǵan málimdeme mátininde.
Budan buryn QazAqparat, seıbenbi kúni Sheshenstan Parlamentiniń ǵımaratyna tórt sodyr basyp kirip, birneshe jarylys jasaǵanyn habarlaǵan bolatyn. Shaýbylshylardyń ekeýi ózdern jaryp jiberdi, sonyń saldarynan parlamenttiń tórt qyzmetkeri qazaǵa ushyrady. Budan basqa quqyq qorǵaý organdarynyń tórt qyzmetkeri jaralandy. Parlament ǵımaratyna mılıtsııa men armııa kúshteri tartyldy. Sheshenstan ІІM-niń habarlaýynsha, arnaıy operatsııa barysynda barlyq lańkester joıylǵan.
