Eýropalyq saıası ınstıtýttardyń kóshbasshylary Horvatııadaǵy EO-ǵa kirý jónindegi referendým qorytyndylaryn quptaıdy
BRıÝSSELЬ. 23 qańtar. QazAqparat /Dımash Syzdyqov/ - EO Keńesiniń tóraǵasy Herman Van Rompeı jáne Eýrokomıssııa tóraǵasy Joze Manýel Barrozý Horvatııada ótken eldiń Eýroodaqqa kirýi týraly referendým qorytyndylaryn quptaıdy, dep habarlady Eýrokomıssııanyń baspasóz qyzmeti.
«Biz Horvatııany jáne onyń halqyn osy tańdaýymen quttyqtaımyz. EO-ǵa múshelik olarǵa jańa múmkindikter ashady jáne turaqtylyq pen ulttyń gúldenýin qamtamasyz etedi. Halyq usynǵan mandat horvat úkimetine múshelikke ázirliktiń qalǵan bóligin aıaqtaýǵa múmkindik beredi. Biz basty úderis Horvatııa parlamentiniń, sondaı-aq EO barlyq múshe-memleketteri parlamentteriniń ratıfıkatsııalaýyn asyǵa kútemiz, bul Horvatııanyń 2013 jylǵy 1 shildeden bastap odaqtyń jıyrma segizinshi múshesi bolýyna múmkindik beredi», - dep atap ótilgen eýropalyq saıası ınstıtýttar kóshbasshylarynyń birlesken málimdemesinde.
Horvatııanyń Ortalyq saılaý komıssııasy 99 paıyz bıýlletender óńdelgennen keıin jeksenbi kúni ótken referendýmda 66 paıyzdan astam azamat EO-ǵa kirýdi jaqtap daýys bergenin, 33 paıyzy qarsy bolǵanyn habarlady. Saılaýshylardyń qatysýy nebári 44 paıyz boldy.
Horvatııa óziniń resmı kirýine deıin EO Keńesi jumys toptarynyń kópshiliginde, sondaı-aq birtutas eýropalyq qurylymnyń komıssııalary men komıtetterinde belsendi baıqaýshy mártebesinde bolady.
