Eýropalyq olımpıadaǵa qatysqan qazaqstandyq 4 oqýshy da júldeger atandy

ASTANA. QazAqparat - Qazaqstan qurama komandasy Slovenııanyń Portoroj qalasynda ótken qyzdarǵa arnalǵan Eýropalyq matematıkalyq olımpıadasynda (EGMO) tórt medalǵa ıe boldy, dep habarlaıdy QazAqparat.

Oqý-aǵartý mınıstrliginiń málimetinshe, olımpıada 13-19 sáýir aralyǵynda ótti. Oǵan álemniń 60 elinen 240 oqýshy qatysty. Elimizdiń namysyn Astana men Almaty qalalary jáne Pavlodar oblysynyń tórt oqýshysy qorǵady.

Qatysýshylar matematıkadan jeke tapsyrmalar oryndap, qorytyndy boıynsha tórt oqýshy da oryn aldy:

Mereı Temırzınova (Astana qalasy) – kúmis medal;

Anastasııa Odıntsova (Pavlodar oblysy) – kúmis medal;

Aqerke Nýrahmetova (Almaty qalasy) – kúmis medal;

Amıra Kenbaeva (Almaty qalasy) – qola medal.

Aıta ketsek, Qazaqstan Eýropalyq matematıkalyq olımpıadasynda 2017 jyldan beri qatysyp keledi.