Eýropalyq odaqtyń syrtqy ister mınıstrleri Sırııa boıynsha birlesken málimdemeni qabyldady
ASTANA. 8 qyrkúıek. QazAqparat - Lıtvanyń astanasy Vılnıýs qalasynda Eýropalyq odaqtyń syrtqy ister mınıstrleriniń beıresmı kezdesýi ótti. Onda Sırııa máselesi boıynsha birlesken málimdeme qabyldandy.
Atalǵan qujatqa sáıkes, mınıstrler Sırııanyń Dammask qalasynda qarapaıym halyqqa qarsy hımııalyq qarý qoldanǵany úshin osy eldiń búgingi bıligi jaýapty dep otyr. Alaıda birlesken málimdemede áskerı operatsııany ótkizýge qatysty birde-bir sóz joq. Vılnıýste ótken Eýropalyq odaqtyń syrtqy ister mınıstrleriniń beıresmı kezdesýine AQSh-tyń memlekettik hatshysy Djon Kerrı de qatysty. Osylaısha, Amerıka Sırııa máselesin soǵys arqyly sheshýdi qoldaıtyndardyń sanyn arttyrýdy kózdeıdi. Búginde bul bastamany 12 memleket qoldap otyr. Alaıda halyqaralyq qaýymdastyq oǵan qarsy. Sebebi Sırııada hımııalyq qarýdy qoldaný boıynsha BUU saraptamasy áli aıaqtalǵan joq. Reseı Federatsııasynyń prezıdenti V.Pýtın bolsa, Sırııaǵa qarsy áskerı kúshti paıdalaný bastamasyn «provakatsııa» dep baǵalap otyr. Onyń aıtýynsha, hımııalyq qarýdy bılik emes, sol jerdegi oppozıtsııa qoldanǵan.
