Eýropalyq Odaqtyń Ortalyq Azııadaǵy arnaıy ókili taǵaıyndaldy
BRıÝSSELЬ. QazAqparat - Slovakııa SІM Memlekettik hatshysy Peter Býrıannyń Eýropalyq Odaqtyń Ortalyq Azııadaǵy arnaıy ókili retinde usynylǵan kandıdatýrasy maquldandy. Bul týraly EO Keńesi Syrtqy ister mınıstrleriniń jıynynda EO-nyń Shetel isteri jáne qaýipsizdik saıasaty boıynsha joǵarǵy ókili Federıka Mogerını habarlady.
«Peter Býrıannyń taǵaıyndalýy EO-nyń Ortalyq Azııamen yntymaqtastyǵynyń jalǵasyp jatqandyǵyn rastaıdy, ıaǵnı zańnyń ústemdigi, qaýipsizdik, energetıka, sýmen jabdyqtaý, bilim berý, adam quqyǵy sııaqty negizgi múdde boıynsha tereń ózara is-qımyldy qamtamasyz etedi», - dedi Mogerını.
Eýropalyq dıplomatııa basshysy Eýroodaq ásirese, Aýǵanstan sııaqty elderde demokratııalyq joldy qamtamasyz etýdegi saıası ótpeli úderisti qoldaýdy jalǵastyratynyn aıtty. Peter Býrıan qazirgi ýaqytta Slovakııada SІM memlekettik hatshysy laýazymyn atqarady, budan buryn Slovakııanyń AQSh-taǵy jáne BUU-daǵy elshisi, NATO-daǵy turaqty ókili bolǵan.
