Eýropalyq odaqta avtokólikterge baqylaý kúsheıdi
ASTANA. QazAqparat - Eýroodaq avtokólik ýly gaz baqylaý jańa ereje Eýroodaq bıligi avtokólikterdiń aýaǵa qanshalyqty ýly gaz shyǵaratynyn mindetti túrde testileýden ótkizý kerek degen jańa ereje qabyldady, dep habarlady Habar24.kz.
Ol kúzdiń alǵashqy kúninen bastap qoldanysqa enedi. Jańa talap boıynsha avtomobılden bólinetin ýly gazdyń mólsheri kólik qozǵalysy kezinde anyqtalady jáne zerthanada tekserýden ótedi.
Eýroodaq basshylyǵynyń aıtýynsha, bul qadam avtomobıl shyǵarýshylar arasynda básekelestikti arttyrady. Sonymen qatar tasymal júıesin jetildirip, kólikterdiń balamaly qýat kózine kóshýin jedeldetedi.
Aıta keteıik, 2015 jyly kólikterden aýaǵa bólinetin ýly gaz máselesi boıynsha «Volkswagen» kontserni daýǵa shatylǵan edi. Ol kezde nemis óndirýshisi dızeldi qozǵaltqyshtaryna odan bólinetin ýly gazdy kemitip kórsetetin baǵdarlama ornatqan. Alaıda bul qýlyqty amerıkandyqtar bilip qoıdy. Osydan keıin ózge de dızeldi avtokólikter jiti tekserile bastady.
