Eýropalyq odaq zilzaladan zardap shekken Italııaǵa qarjy bólýge daıyn
ASTANA. QazAqparat - Eýropa odaǵy Italııaǵa zilzala zardaptaryn joıýǵa kómektesýge daıyn. Eýropalyq qordyń tártibine saı, ol úshin Italııa bıligi arnaıy saýal joldaýy kerek, dep habarlaıdy 24.kz.
Alaıda, tabıǵı apattan keıin Italııa shendileri halyqaralyq kómekke zárý emestigin aıtqan. Shyntýaıtynda, zilzaladan keıingi jaǵdaı múlde bólek. Qalpyna keltirý jumystaryna 360 mlrd. eýro qarjy kerek.
«Italııa bıligi arnaıy saýal joldaǵan jaǵdaıda, zilzadan keıingi qalpyna keltirý jumystaryna qarjy bólinedi. Sondaı-aq, Eýropalyq qordan qarjy bólýimizge múmkindik bar. Eger arnaıy saýal joldansa, Latsıo, Abrýtstso, Ýmbrııa aýdandarynda eýropalyq tótenshe jaǵdaı ókilderi saraptama júrgizedi. Bizde jer serigi arqyly túsirilgen 26 karta bar», - deıdi Eýrokomıssııanyń tóraǵasy Aleksandr Polak.
