Eýropalyq odaq Jerorta teńizinde zańsyz adam tasymaldaıtyndarǵa kúsh qoldanbaq
ASTANA. QazAqparat - Eýroodaqtyń syrtqysaıası vedomstvosynyń basshysy BUU-nan Jerorta teńizi arqyly kóshi-qon problemasyn kúsh qoldaný arqyly sheshýge qoldaý tanytýdy surady, dep habarlady «VVS» agenttigi.
BUU-nyń Qaýipsizdik keńesinde sóz sóılegen Federıka Mogerını EO Jerorta teńizinde zańsyz mıgranttardy tasymaldaýshylardy ustap, joıatyn arnaıy is-qımyl jospary ázirlengenin málimdedi.
Jospar boıynsha, adamdardy Eýropaǵa zańsyz jetkizýmen aınalysatyn kontrabandashylar jelisin joıý kózdelip otyr.
Bul rette Federıka Mogerını jobada zańsyz mıgranttardy kúshtep qaıtarý áreketteri jasalmaıtyny qarastyrylǵanyn atap ótti.
