Eýropalyq odaq vaktsınatsııanyń tsıfrlyq sertıfıkatyn resmı bekitti
BRıÝSSELЬ. QazAqparat – Eýropalyq odaqtaǵy úsh ınstıtýttyń – Eýropalyq parlamenttiń, Eýropalyq odaqtyń jáne Eýropalyq komıssııanyń basshylary vaktsınatsııanyń tsıfrlyq sertıfıkaty týraly EO Reglamentine resmı qol qoıý sharasyna qatysty, dep habarlaıdy «QazAqparat» HAA tilshisi.
«COVID-19-ǵa qarsy vaktsınatsııanyń tsıfrlyq sertıfıkaty Eýropa qýattap otyrǵan dúnıeniń nyshany bolyp tabylady. Bizdiń Odaq birlesken jaǵdaıda jaqsy jumys isteıtinin taǵy bir márte kórsetti», - dedi Devıd Sassolı, Ýrsýla von der Lıaıen jáne Portýgalııa premer-mınıstri Antonıý Kosta.
COVID-tiń tsıfrlyq sertıkaty týraly EO Reglamenti evroınstıtýttar arasynda rekordty – 62 kún ishinde kelisildi.
«Biz zańnamalyq protsespen jumys istep jatqan ýaqytta, bir mezgilde júıeniń tehnıkalyq negizin – EO turǵyndaryn vaktsınalaýdyń arnaıy portalyn jasadyq. Ol 1 maýsymnan bastap kúshine enedi», - dep qosty EO ókilderi.
EO sertıfıkaty halyqqa erkin júrip-turýǵa múmkindik beredi dep kútilýde.
