Eýropalyq odaq Túrkııadaǵy oqıǵalarǵa qatty alańdaýshylyq bildirip otyr
BRıÝSSELЬ. QazAqparat - Eýropalyq odaq taıaýda bolǵan Túrkııadaǵy oqıǵalarǵa qatty alańdaýshylyq bildiredi jáne el bıligin parlamenttik demokratııany saqtaýǵa shaqyrady, dep habarlaıdy Brıýsseldegi «QazAqparat» HAA menshikti tilshisi EO-nyń shetel isteri men qaýipsizdik saıasaty jónindegi joǵarǵy ókili Federıka Mogerınıdiń seısenbide jasaǵan málimdemesine silteme jasaı otyryp.
«EO jáne oǵan múshe elder Túrkııada bolyp jatqan oqıǵalardy úlken alańdaýshylyqpen baqylap otyr», - dedi Mogerını. - Ólim jazasyn qaıta taǵaıyndaý týraly zań jobasyn parlamentke engizý múmkindigin qarastyrýdy jańartý, sóz bostandyǵyn, onyń ishinde áleýmettik medıany shekteýdi jalǵastyrý, BAQ-ty jabýdy jalǵastyrý jáne Cumhuriyet gazetiniń bas redaktory men qyzmetkerlerin qosa alǵanda, jýrnalısterdi qamaqqa alýǵa orderler berý, eldegi iri oppozıtsııalyq «Halyqtyq demokratııa partııasynyń» (HDP) teń tóraǵalaryn jaqynda qamaqqa alýy, sondaı-aq birqatar parlament depýtattaryn ustaý qatty alańdaýshylyq týǵyzady jáne quqyq quzyretin, adam quqyqtary men negiz quraýshy bostandyqtaryn saqtaýdy álsiretýi, sondaı-aq Túrkııadaǵy parlamenttik demokratııany ýshyqtyrýy múmkin», dep eskertti eýropalyq dıplomatııa basshysy.
Sonymen qatar EO Dııarbaqyrdaǵy teraktini talqylaýda jáne zardap shegýshiler men olardyń otbasylaryna qaıǵyryp kóńil bildiredi. Eýroodaq jáne EO-ǵa múshe elder qatygezdik pen terakt toqtatylý tıis ekenine senimdi.
