Eýropalyq odaq Shengendi qutqaryp qalýǵa ázirlenýde
ASTANA. QazAqparat - Eger taıaýdaǵy ýaqytta Eýroodaqtyń ishki shekarasyndaǵy baqylaý taǵy da alyp tastalmaıtyn bolsa, eýropalyq ekonomıka jylyna 7-18 mlrd. eýro joǵaltady, dep habarlady Lenta.rý.
Eýrokomıssııa mundaı keleńsizdikke jol bermeý úshin Shengen kelisimin qutqarý josparyn oılastyrýda.
«Jańadan enizilgen shekara baqylaýy ekonomıkalyq, saıası jáne áleýmettik saldarlarǵa ákep soǵady», - dep Süddeutsche Zeitung Eýropalyq odaq josparyn keltiredi.
Shekaradaǵy tekserý EO azamattaryn erkin júrip-turýdan aıyrýmen qatar, jalpyeýropalyq naryqqa eleýli nuqsan keltiredi. Shekaranyń jabylýynan ásirese kólik pen logıstıka salasy eleýli shyǵyndarǵa ushyraıdy.
Jumysqa bara jatyp keptelisterde kún saıyn, Odaqtyń ishki shekarasyn kesip ótetin 1.7 mln. adam turyp qalady. Bul adamdar jumys jasaıtyn kompanııalar 2,5 mlrd-tan 4,5 mlrd. eýroǵa deıin qarjy joǵaltady. Týrıstik sala da qonaqúıde 13 mln. oryn brondaý úlesinen qaǵylady.
Sonymen birge, shekaraǵa qyzmet etetin ákimshilik shyǵyndar keminde 1 mlrd. eýroǵa jetedi, dep málimdedi Eýrokomıssııa.
Bul stsenarııge jol bermeý úshin Brıýssel Shengen aımaǵynyń ishki shekaralaryndaǵy baqylaýdy kezeń-kezeńimen alyp tasaýy tıis. EK pikirinshe, ol bıylǵy jyldyń aıaǵyna deıin joıylýy tıis.
Aldymen Grekııaǵa EO-nyń syrtqy shekarasyn qorǵaýǵa kómektesý qajet, ol úshin Frontex agenttigin tartý josparlanýda. Kúzge qaraı EO-nyń shekaralaryn qorǵaýǵa kirisetin jalpyeýropalyq shekaralyq jáne jaǵalaýlyq qyzmetterdi ázirleý aıaqtalýy tıis.
