Eýropalyq Odaq pen Qazaqstan qarjylyq kelisimge qol qoıdy
Strategııalyq áriptestiktiń Jol kartasymen almasý rásimin QR Premer Mınıstri Álıhan Smaıylov pen Eýropalyq komıssııanyń vıtse-prezıdenti Valdıs Dombrovskıs ótkizdi.
«Saýda sattyq óndirisi jáne jasyl energetıka salalarynda birlesken jobalardy iske asyrý maqsatynda pikir almastyq. Taýarlardy jetkizýdiń jahandyq tizbegin qamtamasyz etý úshin halyqaralyq kólik marshýrttaryn damytýdyń mańyzy zor. Bul rette, Eýropalyq Odaqtyń «Trans Kaspıı» halyqaralyq kólik baǵytyn damytý sharalaryn qadaǵaladyq. Byltyr qarasha aıynda, EO komıssııa prezıdentimen strategııalyq áriptestik memorandýmǵa qol qoıǵanbyz. Osy memorandým sheńberinde asa mańyzdy shıkizat túrleri, akkýmýlıatorlyq batareıalar jáne jasyl sýtektiń turaqty qun tizbekteri qarastyrylǵan. Budan bólek, Eýropalyq Odaq turaqty ekonomıkalyq ósimdi jáne quqyq ústemdigin qamtamasyz etý maqsatynda 9 mln evro bóledi»,- dedi Álıhan Smaıylov.
Eýropalyq komıssııanyń vıtse-prezıdenti Valdıs Dombrovskıs Eýropalyq Odaq pen Qazaqstan arasyndaǵy yntymaqtastyq qarqyndy damyp kele jatqanyn atap ótti.
«Bizde ekijaqty yntymaqtastyq bar jáne ol qarqyndy damyp keledi. Qazaqstan – strategııalyq seriktes. Biz budan da qarqyndy yntymaqtastyqta jumys istegimiz keledi, bul ekonomıkaǵa da, saýdaǵa da qatysty. Qazir EO pen Qazaqstan arasynda ekijaqty kelisimder jasaldy. Biz qarjylyq kelisimge qol qoıamyz. Bul atmosferaǵa kómirqyshqyl gazynyń shyǵarylý deńgeıin tómendetýge múmkindik beredi. Bizde EO men Qazaqstan arasyndaǵy turaqty shıkizat, akkýmýlıatorlar jáne jasyl sýtegi qosylǵan qun tizbegi salasyndaǵy strategııalyq seriktestiktiń jol kartasy bar», - dedi ol.
Qujattarǵa qol qoıylǵannan keıin QR Premer-Mınıstri Álıhan Smaıylov pen Eýropalyq komıssııanyń vıtse-prezıdenti Valdıs Dombrovskıs Jol kartasymen almasty.
Qujatta, EO jáne Qazaqstan Respýblıkasy arasyndaǵy 2023-2024 jyldarǵa arnalǵan shıkizat, akkýmýlıatorlyq batareıalar jáne jasyl sýtektiń turaqty qun tizbekteri qaralǵan.
