Eýropalyq Odaq ókilderi Sammıt aıasynda Astana qujatyn daıyndaý isine belsendi atsalysatyndyqtaryn bildirdi
ANA. 28 qarasha. QazAqparat /Aıdar Ospanalıev/ - Búgin Astanada ótip jatqan EQYU Sammıtiniń Sholý konferentsııasynyń plenarlyq májilisinde Eýropalyq Odaq atynan sóz alǵan Belgııa memleketiniń ókilderi EQYU tóraǵasy bolyp otyrǵan Qazaqstan tarapyna halyqaralyq uıym aıasynda qolǵa alyp otyrǵan sharalary úshin alǵysyn bildirdi.
«Biz Vena, Varshava jáne Astana qalalarynda ótken jıyndardan soń 1-2 jeltoqsan kúnderi ótetin EQYU-nyń Sammıtine daıyndalýdamyz. Eýropalyq Odaq ókilderi osy jıyndar barysynda túrli delegatsııa músheleri tarapynan jasalǵan usynystar men pikirler, aıtylǵan áńgimeler bizdiń Sammıttiń qorytyndy qujatyn daıyndaýǵa zor yqpalyn tıgizdi dep esepteıdi», - dedi Belgııa ókili.
Sondaı-aq ol sózinde, EQYU Sammıtiniń Sholý konferentsııasynyń qorytyndysy negizinde Eýropalyq Odaq Astana qujatyn daıyndaý isine belsendi atsalysatynyn jetkizdi. «Biz aldaǵy bolatyn alqaly jıynda Astana sammıtiniń sátti ótýi úshin qoldan kelgenniń bárin jasaımyz», -dedi belgııalyq.
