Eýropalyq odaq Nursultan Nazarbaevtyń EO-EAEO forýmy bastamasyna pikir bildirdi
ASTANA. QazAqparat - Eýropalyq odaq Eýrazııalyq ekonomıkalyq odaqpen birlesip, forým ótkizý týraly Nursultan Nazarbaevtyń bastamasyn qarastyryp jatyr, dep habarlaıdy QazAqparat tilshisi.
«Prezıdent Nazarbaev óz bastamasy týraly bizdiń basshylarmen sóılesken. Árıne, bul bastamany qarastyryp jatyrmyz, biraq EAEO men EO arasynda tyǵyz qarym-qatynas ornatý úshin Reseı men Eýroodaq arasyndaǵy birqatar máselelerdi sheshý qajettigin de jasyrmaımyz. Ásirese, Ýkraınadaǵy shıelenis máselesi», - dep jaýap berdi jýrnalıster suraǵyna EO-nyń Ortalyq Azııa boıynsha ókili Peter Býrıan EO men Ortalyq Azııa qatynastarynyń 25 jyldyǵyna arnalǵan kezdesýde.
Sondaı-aq ol Ýkraına boıynsha Astanada kelissózder júrgizý usynysy týraly sóz qozǵady. Peter Býrıan Mınskide ótken kelissózderdiń Ýkraınadaǵy shıelenis máselesin sheshýdiń negizin qalaǵanyn atap ótti. Jáne Eýroodaq ýaǵdalastyq ornatýǵa septigin tıgizetin barlyq bastamalardy qoldaýǵa daıyn.
«Alaıda, naqty sheshim bul shıelenistegi negizgi oıynshylardyń qolynda», - dedi Peter Býrıan.
