Eýropalyq odaq Batys Qazaqstanda jel jáne kún elektr stantsııalaryn salady

ASTANA. QazAqparat – Ortalyq kommýnıkatsııalar qyzmetinde ótken brıfıngte Syrtqy ister mınıstriniń orynbasary Roman Vasılenko Qazaqstan - Eýropa yntymaqtastyǵynyń perspektıvalaryn baıandady, dep habarlaıdy QazAqparat tilshisi

«Ótken jyldyń qazan aıynda Qazaqstan Prezıdenti Qasym-Jomart Toqaev pen Eýropalyq keńestiń Prezıdenti Sharl Mısheldiń qatysýymen Batys Qazaqstanda jel jáne kún elektr stantsııalaryn ornatý jáne 2030 jyldan bastap 3 mln tonna «jasyl» sýtekti óndirý boıynsha quny 30-40 mlrd eýro bolatyn iri eýropalyq «Svevind» kompanııasymen mańyzdy kelisimge qol qoıyldy. Bul Eýropalyq odaqtyń osy ónimge degen qajettiliginiń besten bir bóligin quraıdy», - dedi Syrtqy ister mınıstriniń orynbasary.

Sonymen birge Roman Vasılenko ótken jyldyń qorytyndysy boıynsha Qazaqstan men Eýropalyq odaq arasyndaǵy ózara taýar aınalymy 27,6%-ǵa ósip, 40 mlrd dollarǵa jetkenin atap ótti.