Eýropalyq Odaq basshylyǵynyń shaqyrýymen aldaǵy kúzde Elbasynyń Brıýsselge sapary josparlanýda

Bul týraly búgin «Qazaqstan Respýblıkasy - Eýropalyq Odaq» Parlamenttik yntymaqtastyq komıtetiniń 9-shy otyrysy barysynda Májilis Tóraǵasynyń orynbasary Vladımır Bobrov málim etti, dep habarlaıdy QazAqparat.

«Ózderińizge belgili, aǵymdaǵy jyldyń qazan aıynda Eýroodaq basshylyǵynyń shaqyrtýymen QR Prezıdenti N. Nazarbaevtyń Brıýsselge sapary josparlanǵan. Bul sapardyń EQYU-ǵa qazaqstandyq tóraǵalyq etý kezeńinde ótýi erekshe mańyzdy bolyp tabylady. Bul rette «Qazaqstan - EO» Parlamenttik yntymaqtastyq komıteti de ózara baılanystyń odan saıyn damýyna zor úles qosa alatynyna senimdimin», dedi V. Bobrov.

Sonymen birge, Májilis depýtaty «Qazaqstan-EO» birlesken parlamentaralyq jumys alańynda naqty máseleler talqylaýǵa kóp múmkindikter bolatynyn atap ótti.