Eýropalyq Odaq aýmaǵynda Boeing 737 MAH ushaǵyn paıdalanýǵa tyıym salyndy
BRıÝSSELЬ. QazAqparat - Eýropalyq avıatsııalyq qaýipsizdik agenttigi Eýropalyq Odaq aýmaǵynda Boeing 737 Max ushaqtarynyń ushýyna tyıym saldy. Buǵan tap osy ushaq úlgisiniń Efıopııada apatqa ushyraýy sebep bolyp otyr. Bul týraly aqparat agenttiktiń saıtynda seısenbi kúni jarııalandy, dep habarlaıdy QazAqparat.
«Efıopııa áýe joldary» áýe kompanııasynyń Boeing 737 MAX 8 ushaǵymen kele jatqan ET302 reısi qaıǵyly jaǵdaıǵa ushyraǵan soń Eýropalyq avıatsııalyq qaýipsizdik agenttigi jolaýshylardyń qaýipsizdigin qamtamasyz etý úshin barlyq sharalardy qarastyrýda»,-delingen habarlamada.
Qaýiptiń aldyn alý sharasy retinde agenttik ushaqtardyń ushý sapasyna qatysty Dırektıvany jarııa etip, Boeing ushaǵynyń barlyq túrlerin, 737-8 MAX jáne 737-9 MAX ushaqtarynyń Eýropa aýmaǵynan ushýyna tyıym saldy.
Buǵan qosa retteýshi qaýipsizdik boıynsha Dırektıvany jarııa etti. Onyń talaptary boıynsha, úshinshi elderdiń Boeing ushaqtarymen EO-nyń ishinen bolmasa onyń mańynan ótetin barlyq kommertsııalyq reısterine tyıym salynady.
Aıta keteıik, 10 naýryz kúni Efıopoııada «Efıopııa áýe joldary» avıakompanııasynyń Naırobıge (Kenııa) ushyp bara jatqan Boeing 737 Max ushaǵy apatqa ushyrady. Ushaqtyń bortynda 149 jolaýshy men 8 ekıpaj múshesi bolǵan. Olardyń barlyǵy da mert boldy. Apatyń sebebi ázirge belgisiz.
Tımýr Dúısekeev
