«Eýropalyq kóshbasshylar Qazaqstanǵa senedi» - respýblıkalyq basylymdarǵa sholý

***

Memleket basshysy N.Nazarbaev qazannyń 27-inde Frantsııaǵa sapary barysynda atalǵan eldiń saıası, isker, ıntellektýaldyq toptary jáne BAQ ókilderimen kezdesti. Shara aıasynda frantsýz pýblıtsısi Per-Lıýk Segııtsonnyń «Qazaqstan - Eýrazııa túpqazyǵy» atty jańa kitabynyń tusaýkeseri ótken. «Egemen Qazaqstan» gazeti osy kitapta basylǵan Elbasy N.Nazarbaevtyń suhbatyn oqyrman nazaryna usynyp otyr. «Ortalyq Azııada barshany qamtıtyn qaýipsizdik máselesi Aýǵanstan men Qyrǵyzstandaǵy ahýalǵa tikeleı baılanysty. Bul eki memleketke kómek kórsetý talap etiledi. Mundaı qajettilik bar bolyp turǵan kezde biz ondaı kómekti kórsetýge mindettimiz. Burynǵylar aıtqanyndaı, kómek kórsetý - bul qazirgi bar nemese múmkin bolatyn bálege qoıylatyn tosqaýyl. Tutastaı alǵanda biz Sammıt EQYU-nyń damýyndaǵy jańa kezeńniń basy bolatynyna senimdimiz. EQYU-ǵa qatysýshy 56 eldiń kóshbasshylary keledi. Biz jemisti únqatysýǵa keledi degen úmittemiz», - deıdi N.Nazarbaev suhbatynda.

Qazaqstan Prezıdenti Nursultan Nazarbaevtyń Eýroodaq elderine (Belgııa Koroldigi men Frantsýz Respýblıkasy) jasaǵan resmı saparynyń qorytyndylary álemdik BAQ-tardyń qyzyǵýshylyǵyn oıatyp, qoǵamdyq rezonans týdyrdy. «Egemen Qazaqstan» gazeti sol maqalalardyń birqatarynan úzindi jarııalap otyr. Máselen, amerıkalyq The Wall Street Journal gazeti "Qazaqstan Eýroodaqpen baılanysty nyǵaıta tústi" degen materıalynda bul sapar eldiń ekonomıkalyq daǵdarystan shyǵyp, HVQ boljaýy boıynsha ekonomıkanyń bıylǵy ósimi - 5,4, al endigi jylǵy ósimi - 5,1 paıyzǵa (2009 jylǵy ósim 1,2 paıyz ǵana bolǵan) jetedi dep otyrǵan sátinde bolyp otyr. Daǵdarys saldarynan qutylǵan Qazaqstan Úkimeti endi sheteldik ınvestıtsııalardy tartýǵa belsendi túrde kirise bastady, dep jazdy. Al Le Monde Diplomatique gazeti Qazaqstannyń 2010 jyldyń basynan EQYU tóraǵasynyń mindetin atqaryp kele jatqanyn jáne onyń Ortalyq Azııa aımaǵynda turaqtylyqtyń saqtalýyndaǵy rólin atap ótken. "Bul el keń qulashty jáne serpindi damý ústindegi halyqaralyq saıasat júrgizip keledi. Kóptegen asa mańyzdy ǵalamdyq bastamalar N.Nazarbaevtyń óz oıy arqyly shyǵýda", delingen maqalada.

***

«Qarjy polıtsııasynda ótkiziletin brıfıngter sana men sezimdi selt etkizer sensatsııalar men aýyzyńdy ańyraıtyp, jaǵańdy ustatatyn jańalyqtarǵa toly bolatyn boldy. Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı da eldi eleńdetetin suraqtarǵa naqty ári tııanaqty jaýap berýden tanar emes», dep jazady «Aıqyn» gazeti senbilik sanyndaǵy «Jaqsylyqtyń - «jyry», Meshimbaevanyń - «muńy» jylda jalǵasa bere me?» degen maqalasynda. Basylymnyń atap ótýinshe, burynǵy mınıstrge qatysty qylmystyq is tekserilip jatqandyǵyn atap ótken Qarjy polıtsııasynyń resmı ókili Joǵarǵy sottyń Qylmystyq isterdi baqylaý alqasynyń tóraǵasy Aqyltaı Qasymovtyń: «Statıstıka agenttiginiń burynǵy tóraıymy Anar Meshimbaevany tutqynǵa alý jóninde sanktsııa bergen joqpyz», degen málimdemesin joqqa shyǵarǵan. Maqalanyń tolyq nusqasyn oqyǵyńyz kelse, búgingi nómirdi jiberip almańyz.

Elbasynyń Belgııa Koroldigi men Frantsııaǵa jasaǵan resmı sapary aıaqtalýyna oraı «Aıqyn» gazetinde «Eýropalyq kóshbasshylar Qazaqstanǵa senedi» degen maqala jaryq kórdi. Basylymnyń baıandaýynsha, Elbasy Eýroodaq elderine jasaǵan saparynyń nátıjeli bolǵandyǵyn, elimiz úshin óte mańyzdy qujattarǵa qol qoıylǵandyǵyn basa aıta kelip, aldaǵy EQYU Sammıtine toqtalǵan. Eýropalyq kóshbasshylar Qazaqstanǵa senedi, sammıttiń ótýin durys dep sanaıdy. Bizdiń moıynymyzda osy álemdik deńgeıdegi is-sharany oıdaǵydaı ótkizý týraly úlken mindet bar. Astana sammıtiniń uıym qyzmetiniń jańa satysynyń bastaýy bolatynyna senimdimin. Ol strategııalyq baǵyttardy jáne Vankýverden Vladıvostokke deıingi birtutas jáne bólinbeıtin «Jol kartasy» úderisi júıesin belgileıdi», - dep atap ótti Elbasy.

***

«Astana aqshamy» gazetiniń jazýynsha, elordada EQYU Sammıtine qatysýshylardy jaıǵastyratyn qonaqúı sany - 68. Munyń syrtynda qajettilik týyndaǵan jaǵdaıda paıdalaný úshin jáne on meımanhana qarastyrylǵan. Meımanhanalarǵa qatysty esh másele týyndamas úshin qala ákimdigi bul baǵyttaǵy sharýany keshendi túrde sheship otyr. Arnaıy shtab qonaqúı ınfraqurylymyn tyńǵylyqty zerttep, halyqaralyq sapa standarttaryna sáıkes kelmeıtin tustardy joıýdy úılestirgen. Sondaı-aq qonaqúı qyzmetkerleri qyzmet kórsetý salasyna qatysty birqatar kýrstardan da ótken. Al qala ákimdigi meımanhanalarǵa tıesili barlyq aýmaqta abbattandyrý jumystaryn júrgizip, joldaryn rettegen. 63 nysannyń aldynda avtoturaq oryndaryn qalypqa keltirgen.

***

«Keshe Baılanys jáne aqparat mınıstrliginde Premer-Mınıstr Kárim Másimov Qazaqstandaǵy ІT-tehnologııalardy damytý máselelerine arnalǵan kóshpeli jumys keńesin ótkizdi», dep jazady «Kazahstanskaıa pravda» gazeti. Keńes barysynda Baılanys jáne aqparat mınıstri Asqar Jumaǵalıev, «Zerde» Ulttyq ınfokommýnıkatıvtik holdıngi» aktsıonerlik qoǵamynyń basqarma tóraǵasy Nurlan Izmaılov, Qazaqstandyq ІT-kompanııalar qaýymdastyǵynyń prezıdenti Nurlan Isın, «Zerde» Ulttyq ınfokommýnıkatıvtik holdıngi» aktsıonerlik qoǵamynyń basqarma tóraǵasynyń orynbasary Bıkesh Qurmanǵalıeva, «Qazaqtelekom» AQ-nyń basqarma tóraǵasy Qýanyshbek Esekeev, «Logıkom» AQ bas dırektory Sergeı Shvalov jáne basqalar sóz sóıledi.